"Girdibarg"

Toshkent kashtachilik maktabi mahsulotlari rang-barang. Shulardan biri – gulkoʻrpa. Ushbu buyum yangi turmush qurganlarning ko’rpa-to’shaklari uchun choyshab sifatida, keyinroq esa xonaning devorlarini bezashda ishlatilgan. Ma’lumki, o‘zbeklarning to‘y marosimlarida kashtachilik katta o‘ringa ega.

Toshkentda gulkoʻrpa nikoh toʻshagining muhim belgisi hisoblangan. «Gulga gul qoʻshilsin», deya ko‘p bolali ayollar yangi turmush qurganlar uchun to‘shak tayyorlashar edi. Oʻsimliklar naqshlaridan foydalanish Toshkent kashtachiligining bezak naqshlari uchun xosdir. Hunarmand ayollar, asosan, atrofdagi oʻsimliklar dunyosidan ilhom olishgan. Ushbu suratda oddiy ochambiti (Capsella bursa-pastoris) oʻsimligini eslatuvchi yurakchalar shaklidagi mayda elementlarga ega boʻlgan girdibargni koʻrishimiz mumkin.