"Girixiy"

Qabrtoshlar islom madaniyatining muhim elementlaridan biri hisoblanadi, shu bois tarixiy manbaalar qoʼshimcha ravishda qabrtoshlarga Muqaddas Qurʼondan koʼchirmalar, oyatlar, duolar, musulmonchilik timsollari va boshqa yozuvlar bitilgan. Shuningdek, ular muayyan zamonlardagi voqeliklarni yaxshiroq tushunish uchun qimmatli maʼlumotlar manbaasi hamdir. Shu maʼnoda qabrtoshlarga yozilgan marsiyalar oʼz mazmuniga koʼra ahamiyatli tarixiy manbaaga aylanishi mumkin. Qabrtoshlarga bezak berishda sharqona husnixatdan tashqari hamisha islimiy va girihiy (geometrik) naqshlardan foydalanilgan.

Qabrtoshning ushbu boʼlagida girihiy naqsh oʼyilgan boʼlib, naqshning oʼrtasida sakkizqirrali yulduzcha ifodalangan. Islomiy tasvirlar majmuida girihiy naqshlar va shakllar oʼz timsoliy maʼnosiga ega. Sakkizqirra – jannatni, uning sakkizta eshigini ifodalaydi. Naqshda soat millari boʼylab sakkiz marta Muhammad paygʼambarning nomi kufiy husnixatida oʼyib yozilgan.