"Gulsafsar"

Buxoro maktabining kashtado’zligi o’simliklar tasviri tushgan kashtaning chiroyligi va nafisligi, gul va barglar naqshlarining ko’pligi, aniqligi, bir nechta rang va bir gulning tuslaridan foydalanilgani bilan ajralib tugran. Bunday kashtalarning majmui juda boy va turli xildir. O’rin-joyda qo’llaniladigan ashyolardan boshlab to an’anaviy liboslargacha kashta bilan bezatilgan. Eng ko’p kashta bilan bezatilgan buyumlardan dastorpech bo’lgan. Bu dastorni o’rash uchun mo’ljallangan to’rtburchak kashtalardan iborat buyum. Dastorpechni bezatishda shu bilan birga qaytarilib turiladigan romblar ko’rinishida bezaklar uchrab ham turadi. Bu to’rdan iborat tobadoni hisoblanadi. Mazkur romblar gulli bezaklar, ya’ni gulsapsar va anor dastalari bilan to’ldirilgan. Bir qator mutaxassislarning fikriga qaraganda, bunday bezak turi «bog'» nomlangan fors gilamlarini eslatadi. Ularning taxminicha, bunday san’at asari Buxoroga minglab Eronlik hamda Sharqiy Xuroson (Marv va Shimoliy Afg’oniston) ko’chmanchilari tomonidan olib kirilgan.