"Gulsafsar"

Har bir markazning soʻzanasi mahalliy xususiyatlarga ega. Nurotalik hunarmand ayollar orasida yak mohu — chorshox (toʻrt shox — bir oy) kompozitsiya turi mashhurdir. Ushbu kompozitsiya markazida quyosh yoki yulduz naqshining tasviri ifoda etilgan boʻlib, burchaklarida gul butalari yoki guldastalar ko’rinishidagi bezak kashtalangan. Zodagonlarning haqiqiy bogʻlari andoza sifatida xizmat qilgan. Jannat bogʻlarini hunarmand ayollar aynan shunday tasavvur qilishgan.

Gulsafsar islom madaniyatida qadimdan ramziy ma’noga ega boʻlgan gul hisoblangan. Yuqoriga qaragan va pastga egilgan boshqa barglar bilan bir qadahda birlashtirilgan uchta gulbarg «qarama-qarshiliklarning birligi» tushunchasini anglatadi. Ammo vaqt oʻtishi bilan gulsafsar motivi, koʻplab naqshlar singari, oʻzining ramziyligini yoʻqotib, yer yuzidagi bogʻlarning goʻzalligini ulugʻlaydigan oddiy bezak tupiga aylandi.