"Gultojixo'roz"

Buxoroning an’anaviy bezak kashtachiligi tarkibiga ko’ra juda xilma-xil va boy hisoblanadi. Joypo’sh (yangi kelin-kuyovlar uchun choyshab) va taqiyapo’sh (yostiqlar uchun g’ilof)ni o’z ichiga olgan to’shak to’plami kelin sepining muhim qismi edi. Kashta tikilgan mahsulotlarni bezashda yangi kelin-kuyovning to’shagiga alohida e’tibor berilgan, chunki mahalliy aholining tasavvuriga ko’ra, yangi turmush qurgan yoshlar, bo’lajak onalar va bolalar eng ko’p nazar-nafasga duchor bo’ladigan insonlar deb hisoblangan. Ushbu kompozitsiyada kashta markaziy maydonni va butun hoshiyani egallaydi.

Soʼzana markazini bir-biridan bir xil uzoqlikda joylashtirilgan yelpigʼichsimon tasvirlangan gul kashtalari, ularning orasida esa mayda gulchalar tasvirlangan boʼlib, bular gulsapsar, anor, qalampirnusxa naqshlardir. Hoshiyada tez-tez ishlatiladigan naqsh – yelpig’ichsimon yaproqdan iborat bo’lib, bu yerda gulning yon tomondan tasviri to’pbaggulning yuqoridan ko’rinishi bilan almashib turadi. Gul va o’simlik naqshlaridan tashkil topgan bunday kashtachilik kompozitsiyasi tabiatning bahoriy uyg’onishi ramzi bo’lgan.