"Zanjiragul"

Nurota kashtachiligi gulli naqshning o’ziga xos go’zalligi va nafosati, gul-bargli naqshlarning ko’pligi, nozikligi, bir rangning bir necha tuslaridan foydalanilishi bilan ajralib turadi. Mahsulotlar turlari ham boy va rang-barangdir. To’shakdan tortib, an’anaviy kiyim-kechakning detallarigacha kashta bilan bezatilgan. Kashta tikilgan kichik mahsulotlardan biri dastorpech (bayram yoki ko’chalik sallasi (dastor)ni o’rash uchun kvadrat kashta) hisoblanadi.

Dastorpech bezagida takrorlanuvchi romblar ko’rinishidagi kompozitsiyalar ham tez-tez uchraydi. Ular to’rsimon – tobadoni deb ataladi. Taqdim etilgan kashtalarda rombchalar gulli naqshlar – gulsapsar va anor butasi bilan to’ldirilgan. Ba’zi mutaxassislarning fikricha, bunday kompozitsiyalar “bog” deb ataladigan fors gilami turlaridan birini eslatadi. Ular bu kompozitsiyani Buxoroga Eron va Sharqiy Xuroson (Marv va Shimoliy Afg’oniston)dan ko’p sonli ko’chmanchilar olib kelgan bo’lishi mumkin, deb taxmin qilishadi.