Ornament nomi yo’qolgan

Rishton kulolchilik maktabining eng yorqin namoyandalaridan biri Baxtiyor Nazirov o’z ijodida qoliplardan uzoqlashishga, yangicha talqin va an’anaviy uslubchilikni o’zgartirish orqali Rishton kulolchiligining estetikasini yangilashga intiladi. B. Nazirov an’anaviy laganlar yoki boshqa sopol idishlarning shakllari bilan tajriba qilishni yaxshi ko’radi. U, shuningdek, arxaik shakllar va motivlarga murojaat qiladi, sirlash bilan improvizatsiya qilishniyaxshi ko’radi.

B. Nazirov ijodining o’ziga xos xususiyati murakkab shakldagi idishlar – xumdonlar, obdasta-murg’oba (jom shaklidagi suv idishi), guldonlar va boshqalarni yaratishdagi yorqin qobiliyatidir. Bunda shakl yaratishdan tortib, bo’yashgacha bo’lgan butun jarayon usta tomonidan mustaqil ravishda amalga oshiriladi. B. Nazirov buyumlarining bezaklari o’ziga xos dinamikaga ega muallif chizmasi bilan ajralib turadi. Usta asarlaridagi bezaklar, asosan o’simlik naqshlaridan iborat. Ustaning sevimli naqshlari: anorgul, chorbarg, bodomgul, baxt qushi va boshqalar.