"Oy"

Ushbu ornament UZTELECOM tomonidan «Milliy» tarif to’plami va SIM-kartaning vizual ko’rinishini brend qoidalariga asosan yaratilishi uchun ishlatilgan.

Toshkentda eng katta kashtado’zlikdan mahalliy aholi tomonidan oy-palak, yulduz-palak deb nomlashgan devorga ilinadigan yirik kashtalardan va ko’rpa ustiga yopiladigan gulko’rpalardan foydalanilgan. Quyosh yoki oyni aks ettiruvchi doira shaklidagi kashtalarni markazga bir maromda yoki assimetrik joylashuvi bilan mazkur san’at asarlari keng tarqalgan. Bu turdagi so’zana oy-palak deb nomlangan va bir uslubda berilib, koinot tasvirini aks ettirgan (oy, falak, koinot).

Ushbu san’at asarida markazda eng katta doirasimon gullar bilan bezatilgan palmettani ko’rish mumkin. Atrofidagi hoshiyalari olmagul, anorgul, qalampir, lolagul, to’rtbargli gullar va boshqa gullar bilan bezatilgan. Kashtada to’pbarggul shaklidagi bezakning ishlatilishi tadqiqotchilar tomonidan quyosh belgisini, quyosh va to’lin oy tasviri sifatida baholangan. Toshkent palaklari yulduzli osmonni aks ettirib, o’zida nafaqat yangi turmush qurganlarni zolim ruhlardan saqlovchi kuch sifatida ifodalagan, balki xayrli ishlarni bajaruvchi sifatida ko’rilgan.