"To'pbarggul"

Kashtali buyumlar odatiy tojik xonadonlarida hamisha xonalarning asosiy bezagi boʼlib kelgan. Kashtalarning ommabopligi ularning xonada egallagan oʼrnigagina emas, balki urf-odat va marosimlarga ham bogʼliq boʼladi. Kashtali buyumlar har bir kelinning sepida boʼlishi shart va ularni onalar qizlariga ular hali qizaloq boʼlgan paytdan boshlab hozirlab boradilar. U yoki bu maktabning har bir markaziga oid kashtalar kompozitsion tuzilishi, ranglarning tanlanishi va xos naqshlari bilan farqlanadi.

Oʼra-Tuba kashtalari hoshiyalarning toʼpgullar va butalar, guldastalar va gul yaproqlari koʼrinishidagi oʼsimliknusxa naqshlar bilan bezalishiga koʼra farqlanadi. Soʼzanaga tikilgan turli shakllardagi oʼsimlinusxa va samoviy jismlar koʼrinishidagi naqshlar tabiat, koinot goʼzalligi tarannumi boʼlibgina qolmay, xalqning dunyoqarashi ifodasi hamdir. Bunday kashtalar tushirilgan buyumlar oilaviy marosimlar, ayniqsa toʼylarda muhim ahamiyatga ega boʼlgan hamda yosh oilaga bildiriladigan ezgu tilaklar, baxt va farovonlik, shuningdek yomon koʼzlardan asrovchi tumor ramzi boʼlgan.