"To’pbarggul"

Shahrisabz so’zanalarining ichida eng mashhurlaridan biri – bu chor chiroq (to’rt pilikli chiroq) so’zanasidir va ulardan nafaqat so’zana markazini, balki hoshiyalarini bezashda ham foydalanilgan.  Shahrisabz naqshlarida asosiy qismini to’pbarggul shaklidagi bezaklar va palmetta, gulli naqshlar shaklidagi o’simliklar tasviri asosiy o’rinni egallab kelgan.

So’zananing turli xil o’simliklar va samoviy bezaklari haqiqiy tabiatni, samoviy jismlarning majoziy nusxasini aks ettirgan va aholining dunyoqarashi bilan bog’liq bo’lgan. Ulardan oilaviy marosimlarda, ayniqsa to’ylarda foydalanish muhim hisoblanib,  baxtni va ko’payish tilagini ko’rsatuvchi timsol bo’lgan va yoshlar uchun tumor sifatida qo’llanilgan.

Mazkur san’at asarida usta bodom, qalampir va tumor naqshlari bilan barcha hoshiyalarini to’ldirganini va bu bilan u so’zananing himoya hamda mo’jizaviy kuchini ko’paytirganini ko’rishimiz mumkin.