"To’pbarggul"

Oʼzbek kashtachiligiga oid mahsulotlar safi nihoyatda keng. Har bir kashtachilik buyumi qoʼllanishiga koʼra alohida nomlangan. Mana shunday kashta bosilgan buyumlardan biri – joynamoz boʼlib, u har bir oʼzbek oilasida mavjud.

Bu koʼrinishdagi joynamoz shunisi bilan farqlanadiki, unda ikki mintaqaga xos naqshlarning birgalikda kelganini koʼramiz. Qashqadaryolik kashtachi ayollar tomonidan tikilgan ushbu joynamozdagi toʼqqizta bir xil toʼpbarggulli naqshlar Samarqand soʼzanalaridan olingan. Choʼqqili peshtoq shaklini hosil qiluvchi П-simon hoshiya ichkari va tashqari tomonidan uch yaproqli toʼlqinsimon shoxchalar bilan bezatilgan boʼlib, bular esa Surxondanyo va Qashqadaryo kashtachiligiga xos naqshlar sanaladi.