"Gulli to’pbarggul"

Oqenli gilami bir urugʼdan tarqalgan oʼzbek elatlari (qoʼngʼirotlar, laqaylar)ga xos anʼanalarni ifodalaydi. Oqenli gilam toʼqish texnikasidagi oʼziga xoslik – toʼqimachilik dastgohi va qoʼlda kashta tikish uslubining uygʼunlashuvida. Kashta naqshlari gilamning asosan och tusli sidirgʼa qismiga tikilgan, matoli qismi esa odatda toʼq jigarrang yoki toʼq qizil rangda boʼlgan. Аlohida boʼlaklardan tayyorlanadigan tuksiz gilamlarning enini belgilashda qoʼngʼirotlar xuddi boshqa yarimoʼtroq elatlar kabi «en» degan terminni ishlatishgan, bu gilamning qay darajada kengligini bildiradi. Bir en bitta boʼlakning kengligiga teng boʼlgan, gilam nomi ham shu oʼlchov tushunchasidan olingan.

Аralash toʼqish texnikasi qoʼllangan gilamlar asosan girihiy (geometrik), zoomorf (jonivorlar shakllari) va kamdan-kam — oʼsimliknusxa shaklda boʼladi. Oqenli gilamlar naqshida ХХ asr oʼrtalarigacha koʼchmanchilar yashagan bepoyon dashtning tabiat mavzusi koʼp aks etgan.