"Chor madohil"

O‘zbek kashtachilik buyumlarii repertuari nihoyatda keng. Kashtado‘zlik  rang-barang palitra xos bo‘lgan o‘zbek xonadonlarining  ichki bezaklarini xarakterini belgilab berar edi. Har bir naqshli buyum o‘z vazifasiga  muvofiq interyerda ma’lum o‘rin egallagan. Har bir markazning kashtado‘zligi mahalliy o‘ziga xosliklarga ega edi. Shahrisabz kashtachiligining o‘ziga xos xususiyatlaridan biri fonning irokiy chok (yarim xoch) bilan uzluksiz tikilganligidir.

Ushbu kashta tikilgan panno – nimso‘zanda siz haqiqiy tabiat, samoviy jismlarning majoziy ko‘rinishi bo‘lgan va odamlarning dunyoqarashi bilan bog‘liq bo‘lgan o‘simlik va astral bezaklarni ko‘rishingiz mumkin. Ular oilaviy marosimlarda, ayniqsa, to‘ylarda muhim rol o‘ynab, baxt tilaklari, unumdorlik ramzi va yosh oila uchun tumor bo‘lib xizmat qilgan.